“କଠିନ ପରିଶ୍ରମ ହିଁ ସଫଳତାର ସର୍ଟ୍‌କର୍ଟ୍” : ଟିକେଶ୍ୱର ବାଗ୍

Aveti Learning
2 min readApr 21, 2022
ଟିକେଶ୍ୱର ବାଗ୍

ଭେଟନ୍ତୁ ସମ୍ବଲପୁରର ଜଣେ ଅସାଧାରଣ ପ୍ରତିଭାବାନ ଛାତ୍ର ଟିକେଶ୍ୱରଙ୍କୁ ! ସମ୍ବଲପୁରର ରେଙ୍ଗାଲି ଗାଁର ବାସିନ୍ଦା କରୁଣାକର ବାଗଙ୍କର ଦ୍ୱିତୀୟ ସନ୍ତାନ ଟିକେଶ୍ୱର ବାଗ ଜଣେ ଅତି ଦକ୍ଷ ଛାତ୍ର। ଟିକେଶ୍ୱରଙ୍କ ବାପା ଜଣେ ଭାଗଚାଷୀ ଓ ଏହି ଚାଷବାସରୁ ଯେଉଁ ଦୁଇ ପଇସା ଆସେ, ସେଥିରେ ଚାରିପ୍ରାଣୀଙ୍କର ପେଟକୁ ଦୁଇମୁଠା ଦାନା ଯାଏ । ପୁଣି ସେଇ ପଇସାରୁ କାଣ୍ଟଛାଣ୍ଟ କରି ବାପା କରୁଣାକର ପାଠ ପଢ଼ାନ୍ତି ନିଜର ଦୁଇଟି ସନ୍ତାନଙ୍କୁ । ଟିକେଶ୍ୱର ପ୍ରତିଦିନ ନିଜର ପୁରୁଣା ସାଇକେଲର ପେଡାଲ କରି ପାଖାପାଖି ୬ କିଲୋମିଟର୍ ଦୂରରେ ଥିବା ସ୍କୁଲକୁ ଯାଆନ୍ତି । ଜୀବନ ସଂଘର୍ଷ ଓ ପାଠପଢ଼ାର ଦୋଛକିର ବିତୁଥିବା ଦିନସବୁର ବାଟ ଓଗାଳିଥିଲା କରୋନା ବା କୋଭିଡ଼୍ ନାଇଣ୍ଟିନ୍ ଭାଇରସ୍ । ଏବଂ ଟିକେଶ୍ୱରଙ୍କ ପରି ଅଭାବୀ ମାତ୍ର ପ୍ରତିଭାବାନ୍ ଛାତ୍ରଙ୍କ ପାଇଁ କରୋନା ଥିଲା ଏକ ଅଭିଶାପ, କାରଣ ଅଷ୍ଟମ ଶ୍ରେଣୀରେ ପାଠ ପଢୁଥିବା ଟିକେଶ୍ୱର ପାଠ୍ୟଖସଡ଼ାକୁ ସମୟ ଅବଧି ମଧ୍ୟରେ ସମାପ୍ତ କରିବା ପାଇଁ ନିର୍ଭରଶୀଳ ଥିଲେ କେବଳ ଓ କେବଳ ସ୍କୁଲ୍ ଏବଂ ଟ୍ୟୁସନ୍ ଉପରେ । ହଠାତ୍ ସ୍କୁଲ ବନ୍ଦ ଘୋଷଣା ଏବଂ ପରୀକ୍ଷା ସ୍ଥଗିତ କିମ୍ବା ବାତିଲ ହେବା ଘଟଣା ଟିକେଶ୍ୱରଙ୍କ ପରି ଛାତ୍ର/ଛାତ୍ରୀମାନଙ୍କ ପାଇଁ ଚିନ୍ତା ଓ ଉଦ୍‌ବେଗର ବିଷୟ ସାବ୍ୟସ୍ତ ହେଲା ।

ଅର୍ଥ ନୁହେଁ ଅଧ୍ୟାବସାୟ ହିଁ ସଫଳତାର ମୂଳ ରହସ୍ୟ ବୋଲି କହନ୍ତି ଟିକେଶ୍ୱର

ଏହି ସମୟରେ ଟିକେଶ୍ୱରଙ୍କ ପାଇଁ ଏକ ସମୟାନୁପଯୋଗୀ ଆଶୀର୍ବାଦ ସାବ୍ୟସ୍ତ ହେଲା ଆଭେତି ଲର୍ଣ୍ଣିଂ । ଓଡ଼ିଶାର ଅନ୍ୟ ପଛୁଆ ବର୍ଗ ଓ ଅଭାବରେ କାଳାତିପାତ କରୁଥିବା ପିଲାମାନଙ୍କ ପରି ଟିକେଶ୍ୱରଙ୍କୁ ମଧ୍ୟ ସାହାଯ୍ୟର ହାତଟିଏ ବଢାଇଲା ଆଭେତି । ଆଜିକାଲି, ଟିକେଶ୍ୱର ସକାଳୁ ଉଠି ଆଭେଟି ଲର୍ନିଂ ଆପ୍‌ରେ ଦୁଇ ଘଣ୍ଟା ପାଠ ପଢ଼ନ୍ତି । ନିଜର ଦୈନିକ ଟାର୍ଗେଟ୍‌କୁ ଅତିକ୍ରମ କରିବା ପାଇଁ ସେ ଆଭେତି ଲର୍ଣ୍ଣିଂ ଆପ୍‌ରେ ଥିବା ବିଷୟବସ୍ତୁ ଭିତ୍ତିକ ଭିଡିଓ ଦେଖନ୍ତି ଏବଂ ତାହାର ତଳେ ଦିଆଯାଇଥିବା ମୂଲ୍ୟାଙ୍କନ ୟୁନିଟ୍(Assessment Units) ଗୁଡ଼ିକୁ ମଧ୍ୟ ଅଭ୍ୟାସ କରିଥାନ୍ତି । ସେ କୁହନ୍ତି ଆଭେତି ଲର୍ଣ୍ଣିଂ ଆପ୍‌ରେ ପଢିବା ଅତ୍ୟନ୍ତ ସହଜ ଓ ମଜାଦାର । ତାଙ୍କର ପ୍ରିୟ ବିଷୟ ହେଉଛି ଗଣିତ ଏବଂ ଆଭେଟି ଲର୍ଣ୍ଣିଂ ଆପ୍ ସାହାଯ୍ୟରେ ସେ ଆଜିକାଲି ଅଧିକରୁ ଅଧିକ ପ୍ରଶ୍ନ ଅଭ୍ୟାସ କରିପାରୁଛନ୍ତି । ଯେତେବେଳେ ଆଭେତି ଲର୍ଣ୍ଣିଂ ବିଷୟରେ ପଚରାଯାଏ, ଟିକସୱାର୍ କୁହନ୍ତି ଯେ ସେ ମାତ୍ର କେଇ ମିନିଟ୍ ମଧ୍ୟରେ ପୁସ୍ତକର ଅଧିକାଂଶ ଜଟିଳ ଅଙ୍କଗୁଡ଼ିକର ସମାଧାନ କରିପାରିବେ ଏବଂ ତାଙ୍କର ଏହି ଉନ୍ନତି ପାଇଁ ଆଭେଟି ଲର୍ଣ୍ଣିଂ ଧନ୍ୟବାଦର ହକ୍‍ଦାର୍ । ଟିକେଶ୍ୱର ପ୍ରମାଣ କରି ଦେଖାଇଛନ୍ତି ଯେ ଶିକ୍ଷା ଗ୍ରହଣ ପାଇଁ ଅର୍ଥ କେବେହେଲେ ଏକ ପ୍ରତିବନ୍ଧକ ନୁହେଁ, ବରଂ, କଠିନ ପରିଶ୍ରମ ଏବଂ ଉଚ୍ଚ ମନୋବାଞ୍ଛା ଦ୍ୱାରା ବଡ଼ବଡ଼ ସଫଳତା ହାସଲ କରାଯାଇପାରେ । ଆଭେତି ଲର୍ଣ୍ଣିଂ ତରଫରୁ ଟିକେଶ୍ୱରଙ୍କୁ ତାଙ୍କ କଠିନ ଅଧ୍ୟାବସାୟ ପାଇଁ ଅଭିନନ୍ଦନ ଏବଂ ଆଗାମୀ ସମସ୍ତ ସଫଳତା ପାଇଁ ଶୁଭେଚ୍ଛା ।

--

--

Aveti Learning

To foster personalized education in vernacular languages.